Breaking News

Blogger Template

Sabtu, 13 April 2013

PEUNEUTOUH ACEH




PEUNEUTOUH ACEH
Peundidékan Atjèh
Dalam Peundidékan Atjèh
geupeureunoë neuduëk bansa Atjèh
dalam Nanggroë Atjèh sibagoë
ureuëng po-rumoh njang
Meurdéhka, Mulija dan Meudèëlat.
Meunantjit dalam peundidékan Atjèh
geupeureunoë neuduëk Bansa Atjèh
dan Neugara Atjèh dalam Dônja
Internasional dan dalam masjarakat
bansa-bansa.
 
Njoë nakeuh peukara-peukara njang
hana djipeureunoë sagai-sagai
dalam peundidékan njang djibri
lawétnjoë uléh Djawa. Sabab peuë
njang Djawa peugot djipeuhantjô
neuduëk geutanjoë bansa Atjèh
didalam nanggroë, ateuëh tanoh
droëteuh, meunantjit djipeuhantjô
neuduëk geutanjoë bansa Atjèh di
dalam dônja. Ateuëh nanggroë
Atjèh, njang po peurintah
handjeuët-han bansa Atjèh.
Handjeuët sagai-sagai na bansa luwa
teuka njang djidjak bri peurintah
disinoë, handjeuët Beulanda –
handjeuët Djawa. Meunjo njan ka
teudjadi, meunjo bansa luwa teuka,
ka djidjak peu-ureuëng-ureuëng
droë djih keunoë ateuëh Nanggroë
Atjèh djidjak peugah djih njang po
peurintah, djih njang bri peurintah
maka njan meumakna keu geutanjoë
bansa Atjèh ka trôih masa ta
muprang, ta létdjih.

got ta maté sjahid nibak ta
peubijeuë bansa luwa teuka djidjak
peurintah geutanjoë. Njoëkeuh nibak
ka geupeubuët uléh éndatu
geutanjoë dalam seudjarah dimasa
njang ka u likôt. Watèë Beulanda
teuka, éndatu geutanjoë hana
geubri-euë meusi-uroë keudjih bak
geulawan. Njankeuh meunan
uroënjoë, geutanjoë aneuk-tjutjo
gobnjan keuturônan gobnjan njang
hudép bak masanjoë ateuëh
Nanggroë Atjèh handjeuët ta bri-euë
meusi-uroëpih keu sipai Djawa teuka
bak djidjak djadjah geutanjoë.
Nakeuh saboh keusalahan njang raja
lagèëna ka 68 thôn (1945-2013) ka
ta bri euë keudjih, nakeuh saboh
keusalahan njang raja lagèëna ka
tadjak bri keumuliaân keudjih.
Njoëkeuh keusalahan-keusalahan
njang wadjéb ta peubeutôi lé gata-
njoë uroënjoë. Njoë keusalahan-
keusalahan njang hana ho surôt
nibak peubeutôi. Bak ta peubeutôi
keusalahan geuneurasi Atjèh thôn
1945 njang ka geudjak undang
Djawa keunoë geutanjoë mesti ta
seudia droëteuh bak ta maté sjahid.
Kareuna akibat nibak hana ta peugot
buëtnjoë maka Agama, Bansa,
Neugara akan gadoh ateuëh rhuëng
dônja.
 Njoë ulôn ulang sigo treuk, tudjuan
nibak Peundidékan Atjèh
geupeureunoë geutanjoë pakriban
neuduëk njang patôt di ateuëh
nanggroë droëteuh, didalam
nanggroë droëteuh. Meunantjit
pakriban neuduëk njang patôt dalam
dônja Internasional. Lagèë geutanjoë
bansa Atjèh na neuduëk di nanggroë
droëteuh meunantjit geutanjoë na
neuduëk dalam dônja Internasional.
Geutanjoë handjeuët-han ta pham
beugot that banduwa neuduëk njoë
dan banduwa neuduëknjoë han
keumah geutanjoë peutheun, han
keumah geutanjoë peulara meunjo
geutanjoë hana meurdéhka.

Tidak ada komentar:

Posting Komentar

Designed By