Endatu manusia nyang keufoun nakeuh Nabi Adam As. Bak Nabi Adam sinan lahe manusia nyang jroh ngon manusia nyang mungkar nyang ingkar keu Allah.
Foun lahe manusia nyang jroh ngon nyang ingkar nakeuh bak aneuk Nabi Adam As. Aneuk Nabi Adam foun lahe sijudou, duwa-duwa, saboh agam saboh inong. Bak watey nyan gohlom na manusia la-en lamdounya. Nyankeuh jeuet aneuk Nabi Adam payah geupeukawen sare aneuk Nabi Adam. Teuma hanjeuet geupeukawen nyang sigeo lahe seubab jeuet keulahe turounan bajeueng bak aneuk Nabi Adam.
Aneuk Nabi Adam neupeukawen nyang agam lahe foun ngon nyang inong lahe keuduwa, nyang agam lahe keuduwa neupeukawen ngon nyang inong lahe foun meunan printah Allah bak Nabi Adam.
Tapi di aneuk Nabi Adam nyan na nyang handitem meukawen lagey hukoum Allah, jih dimeukawen sare sigeo lahe. Nabi Adam neularang hanneubri meukawen nyang sigeo lahe, meunyo tameukawen nyang sigeo lahe teuma lahe cuco loun nyan bajeueng. Tapi di aneuk Nabi Adam nyan hadipateh lagey amanah Nabi Adam jih teutap dimeukawen ngon nyang sigeo lahe.
Kheun Nabi Adam ka printah Allah hantapateh seubab handeuh takaleon, nyow printah loun ureueng syik teuh nyang deuh takaleon hantapateh cit, bit gata kajawai (kapungo).
Tapeugeot hukoum keudrow teuh hana tapateh lagey
printah Allah. Watey nyan aneuk Nabi Adam nyang hanpateh printah Allah ngon amanah Nabi Adam teutap dimeukawen ngon nyang sigeo lahe, sampow watey nyankeuh foun lahe manusia bajeueng lamdounya bak cuco Nabi Adam. Sinow keuh asai
endatu ureueng Jawa nyang geukheun le Nabi Adam Kajawai-jawa (kapungo).
Bak aneuk cuco Nabi Adam nyang ingkar nyang hanpateh printah Allah, hanpateh amanah Nabi Adam, sinankeuh lahe manusia ingkar lamdounya. Bak aneuk Nabi Adam nyang ingkar nyan lahe manusia bajeueng ngon manusia ingkar lamdounya. Sinan asai lahe Yakjuj Makjut, sinan lahe Zamruz, lahe Qianus, lahe fir’un, lahe kawoum nyang ingkar keu Allah, lahe yahudi, bani Israil, lahe raja-raja, pang-uley dhalem lamdounya, lahe Raja Abrahah nyang jak prang Ka’bah, lahe kawoum khawarej, lahe dajeue buta siblah, lahe komunis, lahe penjajah-penjajah lamdounya, lahe penjahat-penjahat lamdounya, lahe algojo-algojo lamdounya, lahe peurampok dounya, lahe nyang poh manusia lamdounya, lahe penjahat prang lamdounya, lahe Snouck Hurgronje, lahe manusia nyang reuleoh dounya, lahe PKI ngon lahe koruptor-koruptor ngon lahe manusia dajeue lamdounya, lahe peurte apa syam di Acheh.
Bak aneuk Nabi Adam nyang jroh, nyang pateh printah Allah lagey amanah Nabi Adam, sinan lahe Nabi Idris, bak Nabi Idris lahe Nabi Noh As, bak Nabi Noh As lahe endatu wangsa Acheh Aulia 499. Bak aduwn Nabi Noh Lahe Sulthan Zulqarnain,
bak adow Nabi Noh lahe Nabi Khiddir As,-
bak Sam aneuk adow Nabi Noh lahe kawoum nyang jroh, lahe Nabi-Nabi trouh bak Nabi Muhammad SAW ngon lahe khalifah-kalifah, pang-uley-pang-uley nyang pimpin dounya ureueng kawoum nyang jroh ngon ureueng meutuwah lamdounya.
Nyow punca foun bak Nabi Noh As. Watey Nabi Noh neupeurintah neuyuw peugeot kapai le Allah, seubab Allah neukeuneuk seksa ureueng kawoum nyang ingkar keu-Allah, turounan aneuk Nabi Adam nyang ingkar keu Allah, kawoum nyang hanpateh amanah Nabi Noh As ngon Allah neukeuneuk peusuci, rah dounya, neukeuneuk endram dounya ngon ie boubah raya.
Watey Nabi Noh kana umu 17 thoun neupeugah le Malaikat neuyuw pula sibak kayey, kayey nyan teuma keungon peugeot kapai. Teuma Nabi Noh Neupeurintah le Allah neuyuw peugeot kapai, watey nyan Nabi Noh neumu-afakat ngon kawouum neuh nyan seurta bak watey nyan na lhey drow aneuk adow Nabi Noh nyang rouh lammu-afakat peugeot kapai nyan, Ham, Yafits ngon Sam.
Foun Nabi Noh neuyuw koh kayey nyang neupula keudrow geuh bak umu 17, teuma keuduwa Nabi Noh neupeurintah bak ureueng koh kayey neuyuw jak koh di Pulo Samudra. Lampulo Samudra na duwa bak kayey nyang raya lagoina meunurout riwayat, panyang kayey nyan meusampouh awan. Sibak kayey nyan neuyuw lhout le Nabi Noh neuyuw puwow u Kaukasusia neupeugeot behtra lagey printah Allah.
Teulheueh neubeout kayey le ureueng nyang jak beout kayey raya nyan, bak enciet neubeout peurdey kayey kameuhalak lagey la-out.
Teuma masa Nabi Ibrahim neujak lhout sibak treuk kayey raya nyan puwow u Bakka neupeugeot keuKa’bah. Bak encit neubeout kayey masa Nabi Noh ngon masa Nabi Ibrahim, teuma bak euncit neubeout duwa bak kayey raya nyan sinan jeuet keu-la-out nyang jinow geulakap la-out Tawa. La-out Tawa nyan jeuet teulheueh neubout duwa bak kayey raya, meunan peuneugah lamriwayat Nabi Noh ngon Nabi Ibrahim.
Watey teungoh peugeot kapai kahansep papeuen peuet krak. Teuma printah lom Yahudi le Nabi Noh, neuyuw jak kohlom kayey sibak treuk bak pucouk kruwng Nil di Nanggrow Meuser. Teulheueh neukoh kayey nyan sigra neupuwow u Kaukasusia reot pulo Samudra. Trouh keudeh bak Nabi Noh, teuma kayey nyan neuplah, banneuplah foun sikrak sinan meusurat bak papeuen, Abubakar, plah nyang keudua meusurat Umar, plah nyang keulhey meusurat Usman, plah nyang keupeuet meusurat Ali, Banpeuet krak papeuen nyan meusurat naan sahabat Nabi. Papeuen peuet krak nyang meusurat naan sahabat Nabi nyan teuma neupeugeot keubinteh kapai Nabi Noh. Sampow bak binteh kapai Nabi Noh meusurat Naan Sahabat Nabi.
Jeuet keuna Manusia Ingkar
Lamkawoum Ngon Ummat Nabi Noh
Ngon Jiteumeung Ek Lamkapai Nabi Noh
Lheueh neupeugeot kapai, teuma di utouh peugeot kapai kageulakey upah peugeot behtra. Upah peugeot kapai keon beulanja tapi cit aneuk dara.
Asai utouh peugeot kapai nyan nakeuh sidrow nibak turounan aneuk Nabi Adam nyang jroh, lhey drow utouh treuk asai nibak turounan aneuk Nabi Adam nyang ingkar. Aneuk Nabi Noh nyang inong watey nyan cit sidrow sagai, pakriban cara geupeukawen ngon peuet drow utouh nyang sare dilakey aneuk Nabi Noh. Watey nyan Nabi Noh kasousah hanapat peugah. Nyangna dirumoh Nabi Noh nakeuh lhey macam hiweuen, Mie, Asey, lhey ngon guda.
Teuma Allah neubantu Nabi Noh, banneujak bak di-eh-eh Mie sinan kateuduwk sidrow aneuk dara saban lagey aneuk drow geuh ngon teuseunyom-seunyom keu Nabi Noh, lheueh nyan neujak lom bak di eh Asey sinan pih kateudong sidrow aneuk dara saban cit lagey aneuk drowgeuh, lheueh nyan lom neujak bak neu-ikat-ikat guda sinan pih kateudong sidrow aneuk dara saban cit lagey aneuk drow geuh. Watey nyan Nabi Noh katahou mandang hana peue peugah, kana beunantu Allah keu-upah peugeot behtra. Tapi hate Nabi Noh nyang gougah watey nyan kareuda, seubab kana aneuk dara keu-upah peugeot behtra. Teuma banpeuet aneuk dara nyan laju neupeunikah sidrow bantrouh sidrow neupeunikah sidrow, Utouh nyang asai nibak turounan nyang jroh nyan neupeunikah ngon aneuk drow geuh le Nabi Noh. Tapi lhey drow treuk utouh nyang asai nibak turounan aneuk Nabi Adam nyang ingkar neupeukawen ngon aneuk dara nyang jeuet nibak hiweuen, Mie, Asey ngon Guda, sampow banpeuet lheueh neupeunikah sidrow-drow hana meusigeo watey geupeunikah.
Teulheueh neupeunikah di Nabi Noh hana neuturi le nyang teoh aneuk drow geuh,-
watey geupareksa barou neuturi aneuk meutuwah, watey nyan hate Nabi Noh kaseunang seubab kaneuturi nyang teoh aneuk drow geuh atawa aneuk meutuwah.
Karna ummat Nabi Noh na nyang mungkar handipateh le lagey ajaran Nabi Noh, teuma ummat Nabi Noh nyan neupeutroun bala deungon mubagow peunyaket lagey budouk, purey, kude, buta, capiek, kleo. Ummat Nabi Noh nyang ingkar bunow nyan dijak khianat kapai Nabi Noh, lamkapai habeh jijak touh è, è manusia nyan kapunoh lamkapai Nabi Noh. Teuma Nabi Noh kameutamah sousah keulayi lamkapai kapunoh ngon najish manusia ingkar.
Watey nyan Nabi Noh peugah hai bak Allah, bahsa lamkapai kahabeh ditouh è le ummat neuh nyang ingkar keu Allah. Teuma na sidrow ureueng buta neujak touh è lamkapai nyan, watey geutouh è rout lamkapai ngon meulabou è. Watey nyan di ureueng buta nyan kapuleh buta kadeuh neukaleon, teuma neuwow u gampoung neujak peugah bak ureueng gampoung drowneuh nyan kapuleh buta deungon è lamkapai Nabi Noh.
Teuma bubena ureueng nyang saket bunow meuseunoh-seunoh jak kuwt è lam kapai Nabi Noh, hingga ureueng saket nyan habeh puleh bandum. Sampow bubena è lamkapai Nabi Noh habeh bandum jikuwt, jikreh le ureueng nanggrow keu-ubat. Hansep oh nan teuma ummat Nabi Noh nyan jikeuneuk jak koh-koh kapai nyan dikeunuk keubah keu-ubat bacut sapo. Watey dikeuneuk feuet bacut-bacut kapai nyan meuble kilat ngon geulanteue, teuma difeuet lom jitouh ngon hujeuen, teuka geulanteue tramtrum.
Watey nyan Nabi Noh Neupeurintah le Allah ngon kawoum meu-iman neuyuw ek lamkapai. Teuma Nabi Noh ngon kawoum meu-iman laju neu-ek lamkapai deungon neupeu-ek sigala peukakah, binatang ngon bak-bak kayey. Watey nyan keuh utouh peugeot kapai nyang asai nibak turunan aneuk Nabi Adam nyang ingkar atawa lhey drow utouh nyang geupeukawen ngon mie, asey, guda diteumeung ek lamkapai Nabi Noh seubab kageukira lagey aneuk drow (Ban aneuk drang) le Nabi Noh As.
Teulheueh Nabi Noh, kawoum meu-iman ngon utouh nibak turounan nyang ingkar leupah neu-ek lamkapai. Laju di Allah neupeutroun bala, teuka geulanteue tramtrum meutamah raya laju-laju, jitouh ngon hujeuen, ie meupanca-panca jiteubiet lamtanoh sampow meu-eundram nanggrow Nabi Noh ngon bansigom dounya. Bubena makhluk bandum punah safansafa tanle sapeue na nyang leumah cit pucak gunong Judi, duwa pucak Seulawah di Pulo Samudra, nyang la-en bandum leumah la-out luwah bansigom dounya, nyang tinggai cit kapai ngon ureueng lamkapai Nabi Noh meu-apoung-apoung ateueh ie raya meu-eundram douya.
Asow dounya bak watey nyan hanale nyangna cit kapai ngon ureueng meu-iman lamkapai Nabi Noh As.
Meunankeuh bala nyang neupeutroun le Allah masa Nabi Noh As neu-endram dounya, neupeugleh dounya, neupeusuci dounya nibak nyang ingkar sampow 100 thoun dounya neu-eundram
ngon 100 thoun Nabi Noh ngon kawoum meu-iman
seurta utouh nyang asai nibak turounan nyang ingkar, neumeunanggrow lamkapai raya ateueh ie raya sampow neumeu-aneuk cuco.
Lamkapai nyankeuh lahe aneuk cuco Nabi Noh As bak aneuk dara nyang neupeukawen ngon utouh nyang jroh, sinankeuh lahe endatu wangsa Acheh Aulia 499, lahe aneuk cuco aduwn ngon aneuk cuco adow Nabi Noh As ngon lahe aneuk cuco utouh nyang asai nibak turounan ingkar nyang neupeukawen ngon aneuk dara nyang jeuet keumanusia nibak mie, asey ngon guda.
Sinakeuh asai endatu wangsa Acheh nibak aneuk cuco Nabi Noh As Aulia 499 nyang geulakap Maja, turounan pihak aneuk Nabi Noh ureueng inong, nyang asai nibak aneuk cuco aduwn Nabi Noh nyang geulakap Khujja, turounan ureueng tuha, sinow lahe sulthan Iskandar Zulqarnain ngon nyang asai nibak aneuk cuco adow Nabi Noh geulakap ja, sinow lahe Nabi Khiddir AS. Bak adow Nabi Noh dilikout nyan lahe Sam, Ham, Yafits, nyang geulakap Jaja. Sinow sahèh endatu wangsa Acheh nyan nakeuh Nabi Noh As.
Bak utouh nyang asai nibak turounan ingkar yang neupeukawen ngon aneuk dara nyang jeuet nibak mie, asey, guda, sinan lahe turounan nyang ingkar lamkapai Nabi Noh, sinan lahe manusia nyang hana jroh rupa, lagey mie, lagey asey,lagey guda ngon lahe manusia peurangui, mie, peurangui asey, peurangui guda ngon turounan nyang ingkar, deungki khianat.
Watey ie teungoh disurout, Nabi Noh As larout neupandang dounya, Watey nyan Nabi Noh neukaleon Hu meujeurlah, foun leumah –
meujeurlah Nanggrow meutuwah Makkah muliya,
nyang keuduwa leumah hu meujeurlah gunong Seulawah pulo Samudra, nyang keulhey leumah hu meujeurlah nanggrow meutuwa sideh di Chechnya, nyang keupeuet leumah hu meujeurlah nannggrow meutuwah tanoh Parsia, nyang keulimong leumah hu meujeurlah nanggrow meutuwah gunong judi, nyang keunam leumah hu meujeurlah nannggrow meutuwah di Palestina, nyang keutujouh leumah hu meujeurlah nanggrow meutuwah Buket Tursina.
Watey ie disurout kathou dounya kapai Nabi Noh meusangkout bak gunong Judi. Watey nyan Nabi Noh ngon kawoum meu-iman bak watey nyan laju neu-ibadah syukour keu Tuhan, karna kaneupeuslamat drowneuh nyan bak bala meu-eundram dounya.
Ureueng-ureueng meu-iman nyang seulamat lamkapai Nabi Noh nyan, nakeuh nyang jeuet keu-asow dounya, keukahlifah lamdounya. Meunyo generasi Nabi Adam, Generasi Nabi Idris ngon saboh Genarasi Nabi Noh habeh neusampouh le Allah ateueh ruwng dounya lam ie boubah raya 100 thoun meu-eundram dounya. Tapi generasi ingkar nibak turounan aneuk Nabi Adam nyang ingkar keu Allah nyankeuh utouh peugeot kapai nyang neupeukawen ngon aneuk dara nyang jeuet nibak mie, asey, guda le Nabi Noh pih seulamat lamkapai Nabi Noh As. Sinow keuh lahe manusia nyang ingkar keu-Allah ateueh ruwng dounya. Bak turounan nyan lahe ureueng Jawai (jawa), lahe Yakjuj makjuj, lahe Zamruz, sinan lahe fir’un, lahe lahe Qianus, lahe kawoum nyang ingkar keu Allah, lahe Yahudi Bani Israil, lahey raja-raja dhalem lamdounya,-
lahe ummat nyang ingkar keu Allah watey Nabi-Nabi, lahe Raja Abrahah nyang jak prang Ka’bah, lahe kawoum khawarej, lahe kawoum munafek, lahe pang-uley nyang dhalem lamdounya penjajah lamdounya, lahe peurampok dounya, lahe lahe penjahat-penjahat prang (Genocide) lamdounya, lahe Snouck Hurgronje, lahe manusia nyang jak reuleoh dounya, lahe manusia nyang jak poh manusia lamdounya, jeuet prang lamdounya bak meureupah asow dounya, lahe Timur land, lahe Hitler, lahe Mosolini, lahe Barabarisme Europa, lahe Coboy di Amerika, lahe koruptor-koruptor lamdounya, lahe dajeue buta siblah, ngon lahe manusia ingkar lamdounya, ngon lahe sigala buwt nyang mungkar, biadab ngon jahe muraqqab lamdounya ngon lahe peurte apasyam di Acheh, lahe manusia nyang jak prang Acheh Seuramow Makkah, nanggrow meutuwah pusat Islam nyang raya lagoina lamdounya bak akhe masa, lahe manusia jak prang Allah ta-äla ngon Rasul ateueh bumow Allah ngon lahe manusia nyang angkara murka. Lahe peurte paleh Peuet Mazhab ngon peurte pancuri tujouh di Acheh ngon lahe peurte priek Qur'an di Acheh Seuramow Makkah.
MEUSAMBOENG BAK EDISI UKEU...
SUBER: buku abi lampisang rujukan bukue
1. Riwayat foun neupeujeuet dounya le Allah. Kitab hana meusurat.
2. Riwayat Nabi Adam jeuet khalifah dounya. Kitab hana meusurat
3. Riwayat manusia ingkar foun lamdounya. Kitab hana meusurat.
4. Riwayat Nabi Noh AS ngon na turounan hiweuen jeuet keumanusia. Kitab hana meusurat.
5. Riwayat ie boubah raya masa Nabi Noh AS. Kitab hana meusurat
6. Riwayat meuluwah foun manusia lamdounya. Kitab hana meusurat
7. Riwayat cuco Nabi Noh AS aulia 499 neuteungoh u Samudra. Kitab hana meusurat
8. Riwayat Sulthan Zulkarnain ngon Nabi Khiddir AS neujak puga dounya. Kitab hana meusurat
